Лопата, портокалова маичка и дребонг

Противпожарен апарат од вчера е задолжителна опрема во сите автомобили, автобуси и камиони, според правилникот за задолжителна опрема. Возачите задолжително мора да имаат и сигурносен рефлектирачки елек, кој треба да се облече кога во темнина се напушта возилото.
Неофицијално дознавам дека наскоро во задолжителната опрема за патничките возила ќе бидат вклучени лопатата, портокаловата маичка и дребонгот. Додека патувате, ако случајно забележите дека некаде се поставува камен-темелник, внимателно мора да го паркирате возилото, да ја облечете портокаловата маичка и со лопатата в раце да му се придружите на премиерот.
А за што служи дребонгот? Немам поим. Мора ли за нешто да служи? За збирање арач, како и се друго.